(حسافة ) أروع ما ألّفـــــــــــ(حـــــــســــــــافـــــــــة ) ــــسائد الشيوخي (حسافة )

حــــســـــــافــــــة
حسافة على الدنيا وما فيها الفرحة الوحيدة في عمري ضاعت وعتّمت بليلة هالفرح لياليها ، مرّة الدنيا ومرّة الايام زساعاتها وثوانيها ، زوّجوها غصب عنها و غصب عنّي وأنا الي كنت قبلو طالب ايديها .
يا كاس المر لف ودور وإروي شفاف الحضور يا كاس المر يا مليان بالدمع دمع عينيها لاجل ما تنزل الدمعة أخزن الدنيا وما فيها حسافة على دنيا ولياليها ، حسافة على الدنيا وما فيها زوّجوها غصب عنها وأنا منها وبعّدوني غصب عني وهي منّي خلّوني مثل مركب تايه يدوّر موانيها ، رشّوا ع دروبها حروف القصايد ولا تمشّوها عالجمر ترا الجمر والله ما انخلق تا يحرق أمانيها ، يا عذاب سنيني يا حلم ضاع منّي كنتي بعمري أحلى صورة وأحلى حقيقة كنتي العمر كله كنتي العشق مصوّر على هيئة بشر كنتي شمس كنتي قمر كنتي الحكايا بليالي السهر كنتي نار وحريقة وهم وحيقية كنتي الرفيقة والصديقة والعشيقة واليوم ، اليوم صرتي سراب يجري العطشان وما يلاقيها ، حسافة على الدنيا وما فيها حسافة عليك يا زماني فتت الفرحة في روح الأماني وسكنت الوجع بجروحي اليوم مات عمري يا ريتها تنثر رفاتي يا ريت أعيش بأنفاسها أحزاني ولا ماضي ولا آتي ، يا ريتني أسرقها من زفافها وبروحي أخبيها على جفوني أسهرها وأغفيها على كفوفي أمشيها على جناحي أحملها وأطير أطير أطير بيها .
أهديها العمر أهديها الفرح وحبّات العيون أهديها ،زغردولا وغنّولا ... يا أحلى ليلة يا طرحة بيضا يا فستان الزفاف لغيري يمشيها ، حسافة على الدنيا وما فيها ... خسارة على الدنيا وما فيها .
ما دعوني لزفافك ما دعوني جيتك يا دنيا أوجاعي أرويها ، يا ريت لو بيدي سكّت هالفرح وأصرخ بين النّاس بعالي الصوت يا ناس أحبها يا ناس أحبها لكن زفافها اليوم عن عيوني يخفيها ، الهم الهم الهم يا ثقل الهم بليلة زفافها ويا مكبره ... حسافة على كل الليالي ضاعت بهالليلة لياليها ، بخاطرك يا بعد عمري ، سلام يا بعد عيني أودّع فيكي أنفاسي يا أحلى كلمة فرح أرددها على لساني وأغنيها ، الله وياكي يا ربيع العمر أنا وجروحي بزفافها اليوم نهنيها يا ناس كانت حبيبتي هذي الي تشوفوها وصارت حبيبتي هذي الي تشوفوها ، ما أقول غير الله يحميها الله يحفظها يخليها
حسافة على الدنيا وما فيها الفرحة الوحيدة في عمري ضاعت وعتّمت بليلة هالفرح لياليها ، حسافة على الدنيا وما فيها ......

للتنزيل

[ندعوك للتسجيل في المنتدى أو التعريف بنفسك لمعاينة هذا الرابط]

سائد الشيوخي

مشكورة يا احلى دمعة بننتظر كل شي جديد
صديقتك فراشة مقدسية

ولله قصيدة دمار يا ابو رمزي يسلموو دياتك
ويسلمو يا دمعة

شكرا كتيييير الك يا احلى دمعة
هلا امنقدر نسمع سائد في اي وقت مش بس في يوم السبت شكرا الك

قصيدة اكثر من رائعة وكل الاحترام لشاعرنا الكبير وكل الاحترام للشاعر الكبير الاستاذ سائد انا من متابعين البرنامج وشي\ اكثر من رائع بالنجاح يا رب

شكرا كتير يا دمعة ع الموضوع عنجد الي من زمان بدي ايها واكيد صوت سائد بجنن

شكرا كتير على مروركم الحلو وبجد ما راح نقدر نوصف روعة الشاعر شائد الشيوخي لو جمعنا كل كلمات الشعر
عبورة أهلا فيكي بالمنتدى نورتينا وانشالله بتفيدي وبتستفيدي
(حسافة ) أروع ما ألّفـــــــــــ(حـــــــســــــــافـــــــــة ) ــــسائد الشيوخي (حسافة ) 19004

(حسافة ) أروع ما ألّفـــــــــــ(حـــــــســــــــافـــــــــة ) ــــسائد الشيوخي (حسافة ) 19004

قصيدة روعه يا احلى دمعة بالدنيا
يسلمو اديكي يا عمري Laughing

8567c04a-ee63-4c2d-998c-94cd339dc8e1
1.03.01